Monday, March 29, 2010

சூப்பர்மேனின் தேவதை...!


அமெரிக்கர்கள் என்றாலே.. கணவர்களை, மனைவிகளை மாற்றிக்கொண்டே இருப்பார்கள் என்ற கூற்று நம் நாட்டில் என்றென்றும் நிலவி வரும் செய்தி. காதல் என்பது உலகம் முழுதும் பொதுவான ஒன்றே என அறிந்து கொள்ள டானா ரீவ்ஸ் என்ற இந்த பெண்ணேசாட்சி.

டானா ரீவ்ஸ் , நடிப்பு பயிற்சி பெற்றிருந்தாலும், ஒரு கிளப்பில் பாடகி.

1987 இல் சூப்பர் மேன் பாகம் ஒன்று மற்றும் ரெண்டு படங்களில் நடித்து உலக புகழ் பெற்று சூப்பர் மேனாகவே மக்களால் மதிக்கப்பட்டார் கிறிஸ்டோபர் ரீவ்ஸ். அவர் தனது முதல் திருமணம் தோல்வியில் முடிந்த சோகத்தில் இருந்தார். அப்போது கிளப்பில் பாடிய டானாவின் குரல் அவரை என்னவோ செய்ய, ப்ரோக்ராம் முடிந்ததும் தானாகவே வலிய தன்னை அறிமுகப்படுத்தி கொண்டார் கிறிஸ்.அதன் பின்னர் அவர்கள் டேடிங் செய்ய ஆரம்பித்து.. தன தேவதை டானாவே என முடிவு செய்து அவளை கிறிஸ் 1992 இல் மணந்து கொண்டார்.1995 வரை தேவதை கதைகளில் வரும் இன்பமான வாழ்கை வாழ்ந்தார்கள். அவர்களின் காதலுக்கு சாட்சியாக பிறந்த மகனுக்கு வில் ரீவ்ஸ் என பெயர் வைத்தார்கள்.

1995 மே 27 தேதியில் நடந்த சம்பவம் தான் அந்த குடும்பத்தையே புரட்டி போட்டது. ஆம் குதிரையில் சென்று கொண்டிருந்த கிறிஸ் ரீவ்ஸ் குதிரையில் இருந்து தூக்கி எறியப்பட்டு தலை தரையில் முட்டி, முதுகெலும்பு உடைந்து, கழுத்துக்கு கீழே முற்றிலும் செயல் இழந்தவராக மாறிப் போனார். உலகத்தை எதிரிகளிடம் இருந்து காப்பாற்றிய சூப்பர்மேனின் வாழ்க்கை அடுத்தவர் தயவில் என மாறிப்போனது.

முதலில் உடைந்த போதும், திருமணம் செய்தபோது செய்த சத்தியமான, 'இன்பத்திலும் துன்பத்திலும் உன்னுடையவளாய் இருப்பேன்' என்பதை செயல் படுத்த ஆரம்பித்தார் டானா. மனதளவில் உடைந்து போன கிறிஸ்சை தனது அன்பாலும், காதலாலும் தேற்றி அவரே தனது உலகமென வாழ்ந்து கிறிஸ்சை திடப்படுத்தினார்.

சூப்பர் மேன் இனிமேல் அவ்வளவுதான் என எள்ளி நகையாடியவர்கள் மத்தியில், கிறிஸ் சக்கர நாற்காலியில் அமர்ந்தபடி நடிக்கவும், திரைப்படம் இயக்கவும் தயாரானபோது ஹாலிவூட்டே ஆச்சர்யமாக பார்த்தது. கிறிஸ்சின் தன்னம்பிக்கையும் டானாவின் காதலும் அரவணைப்புமே அதற்க்கு காரணம் என அவர்களை ஒரு ஆதர்ச தம்பதியாய் உலகமே கண்டது. அவர்களின் காதல் மேலும் இறுகியது. டானா நடிப்பு மற்றும் பாட்டு ஆகியவற்றுடன்சேர்ந்து , உடல் ஊனமுற்ற மற்றும் உடல் குறைபாடுள்ளவர்களுக்காக தனது கணவனுடன் சேர்ந்து சேவை செய்ய ஆரம்பித்தார்.

1996 ஆம் வருடத்தில் தனது கணவனின் பெயரில், கிறிஸ்டோபர் ரீவ்ஸ் பௌண்டேஷன் என்ற உடல் ஊனமுற்றோருக்கான அறக்கட்டளை நிறுவி உடல் ஊனமுற்றோருக்கும், முதுகு தண்டு பாதிக்கப்பட்டவர்களுக்கும் உதவினார். Oct. 10, 2004 அவர் கலிபோர்னியா மாகணத்தில் சேவை முனைப்பில் இருந்தபோது கிறிஸ் ரீவ்ச்க்கு மாரடைப்பு வர தனது கணவன் சாகுமுன் அவனை காண பறந்து வந்தார் டானா. ஆனால் அவருக்கு அந்த தருணம் கிட்டவில்லை.

அதன் பின்னர் Care Packages: Letters to Christopher Reeve from Strangers and Other Friends. என்ற புத்தகத்தை தனது கணவனின் பெயரால் எழுதினார். அவருக்கு பல விருதுகள் கிடைத்தாலும் அவர் முக்கியமாக கருதுவது, 2005 இல் அமெரிக்கன் கான்செர் சொசைட்டி வழங்கிய 'மாதர் ஆப தி இயர்' என்ற விருதை தான்.

அவருக்கு மேலும் சோகங்கள் தொடர்ந்தன. ஆகஸ்ட் 2005 இல் அவர் தனக்கு இரப்பையில் கான்செர் இருக்கிறது என அறிவித்த பொது உலகமே அவருக்காக இரங்கியது. கீமோ தெரபி ரேடியோ தெரபி என சிகிச்சைகள் மேற்கொண்டாலும் மார்ச் 6, 2006 இல் சிகிச்சைகள் பலனளிக்காமல் தனது காதல் கணவருடன் தன்னை இணைத்துக் கொண்டார்.

ஒரு டிவி பேட்டியில் 'நீங்கள் இவ்வளவு துன்பங்களை அனுபவித்துள்ளீர்கள். எங்கிருந்து உங்களுக்கு அதனை எதிர் கொள்ள பலம் கிடைக்கிறது?' என கேட்கப்பட்டபோது. அவர் கூறியபதில்...

"For years, my husband and I lived on -- and because of -- hope. Hope continues to give me the mental strength to carry on."

' என் கணவரும் நானும் இவ்வளவு நாள் வாழ்ந்ததற்கு காரணம்..நம்பிக்கை. நம்பிக்கை மட்டுமே எனக்கு வாழ்க்கையை எதிர்கொள்ளும் மன பலத்தை தருகிறது...'

இறந்த அவரது உடலுக்கு அஞ்சலி செலுத்த, அமெரிக்க ஜனாதிபதி,தலை சிறந்த ஹாலிவூட் நடிகர்கள், அவரது அறக்கட்டளையால் உதவி பெற்றவர்கள், கொடுத்தவர்கள், என வந்த கூட்டத்தை , நிச்சயம் ஒரு நட்சதிரமாகவேண்டும் என்ற உந்துதல் கொண்ட அந்த சூப்பர்மேனின் நியூ யார்க் தேவதை அறிந்திருக்கவில்லை.

'நவ் அண்ட் பாரெவர்' டானா ரீவ்ஸ் கடைசியாய் பாடிய பாடல் மற்றும் அவரது பேட்டி . உங்களுக்காக...

--

No comments:

LinkWithin

Related Posts Plugin for WordPress, Blogger...